گئجلر صبحه کیمین ...

گئجلر صبحه کیمین فیکری زمان ائیله میشم.

دلبری یاده سالیب، آه و فغان ائیله میشم.

رقیبه همدم اولوب، سئوگیمی آتما گوزلیم

سئوگینی گوزدن آلیب، دیلده نهان ائیله میشم.

او قارا گوزلرینین عومقونا باخماخدان اوتور

سنه قلبیمله باخیب، گوزده عیان ائیله میشم.

دوشدوم عشقینده سنین، مجنونا تای چوللره من

فرهادی یاده سالیب داغدا مکان ائیله میشم.

نه اولار هرگونوموز دائیمه بیرلیکده گئچه

ساریلیب بوینونا من، عشقی بیان ائیله میشم.

دونیادا یوخدور سنه تای، عشوه لی نازلی نگار

سنی دنیادان آلیب، باشقا جهان ائیله میشم.

عالمی من سنسیز اولا ایستمیرم.

آخی سئوگی اوخونی، سنده نشان ائیله میشم.

همه هستی ام...